Атырауда жас ақындар мүшәйрасы өтті

Атырауда Халық қаһарманы Хиуаз Доспанованың 100 жылдығына арналған жас ақындар мүшәйрасы өтті, деп хабарлайды Атырау  облысы Өңірлік Коммуникациялар қызметі.

Мәдениет тілдерді дамыту және архив ісі басқармасы мен облыстық халық шығармашылығы орталығының ұйымдастыруымен өткен іс-шараға өңірдің 15 жас ақыны қатысты. Мүшәйра екі кезеңнен тұрды. Алғашқы кезеңде батырдың кемеңгерлік тұлғасын насихаттайтын, бұрын-соңды жарияланбаған шығармасы ұсынылды. Ал, екінші кезеңнің талабы бойынша, ақындар ел бірлігі мен татулықты арқау ететін еркін тақырыптағы өлең шумақтарын аз ғана уақыттың ішінде дайындап берді.

Байқауға Қазақстанның Еңбек сіңірген қайраткері, Қазақстан Жазушылар одағы Атырау облыстық филиалының директоры Қойшығұл Жылқышиев, Қазақстанның Құрметті журналисті, Қазақстан Жазушылар одағының мүшесі Төлеген Жаңабаев, Қазақстан Республикасы ақпарат саласының үздігі, журналист Тұрсын Қалимова, Қазақстан Жазушылар одағының мүшесі, Махамбет атындағы сыйлықтың иегері, ақын Бақытгүл Бабаш қазылық етті.

- Сайыс болған жерде оза шабатындар да, қалыс қалатындар да болады. Өлең жазу барысында ең алдымен ұйқасқа, одан соң мазмұнына мән берілу керек. Оған қоса қойылған талаптарды бұлжытпай орындау – негізгі шарт. Бүгінгі сайысқа қатысқан барлық ақындар осы қағиданы орындауға тырысты. Десек те, әлі дайындықты қажет ететін, шығармашылық ізденіс керек ақындар да бар, деді Қ.Жылқышиев.

Ал, өз кезеңінде сөз алған Бақытгүл Бабаш жас ақындарға өз ақылын айтып, бағыт-бағдар берді.

Сайыс қорытындысымен жылыойлық Диана Ізбасарова мен Нұрлыбек Амандықов, исатайлық Еркебұлан Зинеденов, қызылқоғалық Нұрдәулет Жылқышы үшінші орынды иеленсе, махамбеттік  Әзілхан Құранбай мен атыраулық Иманғали Бөгетбай жүлделі екінші орынды алды. Ал, құрманғазылық Ақтілек Абаева бірінші орынды, атыраулық Фариза Жетпісбаева бас жүлдені иеленді.

ЕЛБАСЫ КІТАПХАНАСЫ

biblioteka-pervogo-prezidenta-kz

Соңғы жаңалықтар

Фотогалерея

Сұрақ Жауап

Вакцинаға көзқарасыңыз қалай?

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Этот адрес электронной почты защищён от спам-ботов. У вас должен быть включен JavaScript для просмотра.


ZERO.kz

 

Яндекс.Метрика