Таяуда аудан әкімі Қанат Әзмұханов жерлес ақын, «Мәдениет саласының үздігі» төсбелгісінің иегері, республикалық «АСЫЛ ДОМБЫРА» мегажобасының жүлдегері Шалқарбай Ізбасаровты қабылдады.

Кездесу барысында, аудан мақтанышы, айтыскер ақын Шалқарбай Сайлаубайұлы өзінің ұсыныс-пікірлерін ортаға салса, аудан әкімі өз кезегінде ауданымыздың өнерін одан әрі дамыту бағытында бірлесіп жұмыс атқаруға шақырды. Сондай-ақ, аудан әкімдігі тарапынан мейлінше қолдау болатындығын жеткізді.

Кездесу соңында аудан әкімі арнайы құттықтау хаты мен естелік сыйлығын табыс етті. Ендеше, халқымыздың төл өнері – айтысты республика көлемінде насихаттап жүрген Шалқарбай Ізбасаров аудан абыройын одан әрі асқақтата береді деген сенімдеміз.

Нұрсәуле ЖАУЫНБАЕВА