Қазіргі таңда "Pfizer" компаниясы шығарған «Комирнати» вакцинасы төтенше жағдайларда қолдану үшін ұсынылып, Дүниежүзілік денсаулық сақтау ұйымының тізіміне енгізіліп отыр" деп хабарлайды Атырау облысы өңірлік коммуникациялар қызметі.
"ДДҰ-ның аралық деректеріне сәйкес 12-15 жас аралығындағы жасөспірімдердің қатысуымен клиникалық зерттеулердің үшінші кезеңі вакцинаның жоғары тиімділігін және қауіпсіздігін көрсетті" делінген министрліктің аталмыш сұраққа қатысты жауабында.
Еске сала кетелік, «Pfizer» (АҚШ) компаниясы шығарған «Комирнати» вакцинасы Қазақстан Республикасында уақытша мемлекеттік тіркелген. Қазақстанда 18 жасқа дейінгі балалар үшін өндірісі ДДҰ-ның біліктілігін алған вакциналар сатып алынады. Яғни, елімізде жоғары сапалы, қауіпсіз вакциналар пайдаланылады.
