«Жас Ұлан» бірыңғай балалар мен жасөспірімдер ұйымының негізгі мақсаты – оқушылардың бойына еліне, жеріне деген патриоттық сезімді оята білу.
Уақыт өте келе ұйым қатарына қабылдануға қызығушылық танытқан оқушылардың қатары күннен-күнге көбеюде. Жаңа мүшелерді ұйым қатарына қабылдау жиыны Кенбай орта мектебінде де ұйымдастырылып, ұйым қатары тағы да 54 оқушымен толықты. Жаңадан қабылданғандарға ата-аналар кеңесінің мүшесі Халықберген Омаров, ардагер ұстаз Бұлжетпес Құлбасова және мектеп әкімшілігінің құрамы галстук пен төсбелгі табыс етіп, «Жас жеткіншектер елінің нағыз патриот азаматы болсын!», – деп тілек білдірді.
Әсел ҚАПЕТОВА,
Кенбай орта мектебінің тәлімгері,
