Қызылқоғада ерекше білім беруді қажет ететін 62 оқушы білім алуда

«Мәселен Миялы ауылындағы Х.Досмұхамедұлы атындағы орта мектебінде 21 оқушы инклюзивті түрде оқытылуда. Оның алтауы үйден оқытылса, бесеуі психикалық дамуында тежелуі бар балаларға арналған (ПДТ) сыныпта, қалғандары өз тұстастарымен бірге оқып жатыр» - деп хабарлайды Атырау облыстық Білім басқармасының баспасөз қызметі.

«Оқушылар арнайы жеңілдетілген бағдарлама негізінде білім алуда. Мектеп психологтары оқушыларды коррекциялық жұмыстар арқылы тәрбиелеуде. Яғни, баланың ойлау қабілетін дамытатын моторикалық ойындар, жаттығулар жасауда», - дейді мектептің педагог-психологы Баршагүл Сарсенғалиева.

Мектеп директоры Сары Гүлшара Бақтыбайқызының айтуынша, білім ордасында физика, информатика, химия, биология пәндері үш тілде оқытылуда. 8-11-сыныптарда аталған пәндер үйірме, факультатив сабақтар есебінен енгізіліп отыр.

«Тарихы 1922 жылдан басталатын мектептің бір жылдан соң 100 жылдық мерейтойы аталып өтпекші. 1982 жылы пайдалануға берілген мектеп ғимараты 936 орындық, қазір мектепте 844 оқушы білім алуда. 1-11 сыныптарда 783 оқушы, мектеп алды даярлық топтарында 61 бала тәрбиеленуде. Мектепте 107 мұғалім еңбек етуде. Қазіргі таңда 1-4 -сыныптардан 28 кезекші сынып ашылып, 294 оқушы білім алуда. Кезекші сыныптарға 35 мұғалім дәріс беруде», -дейді ол.

Айта кеткен жөн, Қызылқоға ауданында ерекше білім алып отырған даму мүмкіндігі шектеулі 62 оқушы бар. Облыс бойынша 32 мектептегі 108 арнаулы сынып ашылған, даму мүмкіндігінде кінәраты бар 581 оқушы білім алуда.

podpiska_kaz

Соңғы жаңалықтар

COVID 19

covid

Фотогалерея

Тәуелсіздікке 30 жыл

tuelsizdikke-30-zhyl

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.


ZERO.kz

 

Яндекс.Метрика