Мектеп педагогтарының шығармашылық өнімін, педагогикалық идеясын тарату және кәсіби өсуін ынталандыру мақсатында 16-17 қаңтар күндері Алматы қаласында дәстүрлі «Педагогикалық идеялар фестивалі» республикалық конкурсы өткізілді.
Оған аудандық, облыстық кезеңнің жүлдегерлері Х.Досмұхамедұлы атындағы орта мектебі қазақ тілі мен әдебиеті пәнінің мұғалімі Тұрсынгүл Тұрғали, Ы.Шөреков атындағы мектеп-гимназиясы биология пәнінің мұғалімі Нұрлан Берденқұлов, Ғ.Сланов атындағы орта мектебі қазақ тілі мен әдебиеті пәнінің мұғалімі Айсұлу Жұмағұлова, Жаңашаруа орта мектебі география пәнінің мұғалімі Гүлшарида Қабдол мен ағылшын тілі пәнінің мұғалімі Сағыныш Ерғалиева қатысып, өз жұмыстарын қорғады. Нәтижесінде, Ы.Шөреков атындағы мектеп-гимназиясы биология пәнінің мұғалімі Нұрлан Берденқұлов І дәрежелі дипломмен марапатталып, ауданымыздың абыройын асқақтатты.
Фестивальға қатысқан ұстаздардың жұмысы «Дарын» республикалық ғылыми-практикалық орталығының ақпараттық әдістемелік журналына және фестивальдың жинағына енді. Енднеше, Нұрлан Берденқұловқа алдағы уақытта да өзінің шығармашылық шеберлігі арқылы жоғары жетістікке жетіп, жеңіс тұғырынан көріне берсін демекпіз.
Жәншат НҰРҒАЛИЕВА,
аудандық әдістемелік орталықтың шығармашылық бағыт бойынша әдіскері.
