Ұстаздар мерекесіне орай, Ы.Шөреков атындағы мектеп-гимназиясында «Ұстаз аты – биік, әрі мәңгілік» тақырыбында апталық ұйымдастырылды.

Апталықтың ашылуында дүйсенбі күнгі сабаққа ертемен келген 1 «а» сынып оқушылары мектеп мұғалімдерін жылы шыраймен қарсы алып, мерекелік тілектерін арнады. Содан соң мектеп директоры Өтеуғали Дүйсәлінің жұмыс бөлмесіне арнайы барып, құттықтауларын жеткізді. Аптаны тосын сыймен қарсы алған мектеп мұғалімдері оқушылардың ерекше ілтипаттарына ризашылықтарын білдірді. Оқушылардың ұстазға деген құрметі, құттықтаулары апта соңына дейін жалғасты. Барлық сынып оқушылары концерттік бағдарламаларын, сынып сағаттарын, жүрек жарды тілектерін ұстаздарына арнады.

Мерекеде мектеп ішінің безендірілуі де көңілге қуаныш ұялатты.

Гүлмира ОРАЗОВА,

Ы.Шөреков атындағы мектеп-гимназиясының жоғары санатты мұғалімі