Биыл педагогикалық ғылымдарға 11 мыңға жуық грант бөлінді

Жоғары білім берудің барлық деңгейлері бойынша 2022-2023 оқу жылына арналған білім беру гранттарын бөлу тізімі жарияланды.

Ғылым және жоғары білім министрлігінің мәліметінше, гранттардың басым бөлігі инженерлік, өңдеу, құрылыс салаларына бөлінген, олардың саны 17 794-ті құрайды.

«Ал педагогикалық ғылымдарға – 10 810 грант, ақпараттық-коммуникациялық технологиялар саласына – 9 103 грант, жаратылыстану ғылымдары, математика және статистика бағытына 6 288 грант тиесілі. Сондай-ақ, техникалық бағыттарға ерекше назар аударылып, мемлекеттік тапсырыстың үлесі 60%-ға дейін ұлғайды. Бакалавриатқа 2022-2023 оқу жылында 73 мыңға жуық грант бөлінді», - деп жазды ведомство.

Халықтың әлеуметтік осал топтарынан шыққан балалар үшін квоталар саны артқан. Көп балалы немесе толық емес отбасылардан шыққан балалар, сондай-ақ ерекше қажеттіліктері бар балаларды тәрбиелеп отырған отбасылардағы талапкерлер грант алу үшін көбірек мүмкіндіктерге ие болады.

«Биыл алғаш рет Мемлекет басшысының тапсырмасы бойынша білім беру грантының жаңа түрі анықталды:

«Халықтың тығыз орналасқан және батыс өңірлерінің жастарының жетекші жоғары оқуорындарында оқуға арналған мақсатты білім беру гранты» - Атырау және Маңғыстау облыстарының 10 мың талапкеріне жоғары оқу орындарында білім алу үшін мақсатты гранттар алуға мүмкіндік береді. Мақсатты «Атырау-Маңғыстау» грантына конкурсқа ағымдағы жылдың мектеп түлектері қатыса алады. Бұл ретте олар бір уақытта жалпы конкурсқа, оның ішінде «Серпін» байқауына қатыса алмайды», - деп түсіндірді министрліктен.

Ұлттық тестілеу орталығының директоры Руслан Емелбаевтың мәліметінше, білім гранттары, оның ішінде «Атырау-Маңғыстау» мақсатты грант санының артуына байланысты бүгін тізім жарияланған.

«Мемлекет басшысының тапсырмасы бойынша барлық гранттың 60% техникалық мамандықтарға бөлінді. Талапкерлер берілген ақпарат негізінде дұрыс таңдау жасайды деп сенемін», – деді ол.

Магистратураға түсуге 13 мыңнан астам, докторантураға түсуге 1800-ден астам грант бөлінген. 2022-2023 оқу жылына арналған білім беру гранттарын бөлудің толық тізімі Ғылым және жоғары білім министрлігі Ұлттық тестілеу орталығының сайтында мынау сілтемелер бойынша жарияланған:

Баклавриат

Магистратура

Докторантура


 

РЕСПУБЛИКА КҮНІ

25qazan-respublika

Соңғы жаңалықтар

Фотогалерея

Сұрақ Жауап

Вакцинаға көзқарасыңыз қалай?

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Этот адрес электронной почты защищён от спам-ботов. У вас должен быть включен JavaScript для просмотра.


ZERO.kz

 

Яндекс.Метрика