Жазғы демалыс басталысы мен балаларымыз жазғы лагерьге асығады. Осы тұста, аудандық оқушылар үйінен ашылған «Балдәурен» жазғы демалыс лагері жұмысын бастады. Оған Миялы ауылдық округінен 70 оқушы, басқа да ауылдық округтердегі филиалдардан 70 оқушы қабылданды.
Негізінен, лагерь 1 маусым мен 31 тамыз аралығында 10 күннен жұмыс жасайды. Лагерь барысында әр түрлі үйірмелер мен бірге, тәрбиелік және спорттық шаралар ұйымдастырылады.
- Аудандық оқушылар үйінде «Балдаурен» жазғы демалыс лагері 3 жылдан бері жұмыс жасап келеді. Жыл сайын жүзден аса оқушы бос уақытын тиімді пайдалану мақсатында қатыстырылады. Биылғы оқу жылында 140 оқушы қамтылып отыр. Әрине, лагерьдің өзіндік тәрбиелік бағыты мен қоса, спорттық шараларды жиі ұйымдастырамыз. Соған орай, арнайы сыйлықтарымыз да бар. Қазіргі уақытта, баланың назарын дұрыс бағытқа аудару парыз. Сол себепті де лагерь барысында, жүргізіліп жатқан жұмыстар оқушылардың уақытын пайдалы іске жұмсау болып табылады, дейді аудандық оқушылар үйі директорының оқу ісі жөніндегі орынбасары Гүлсезім Айтжанова.
Нұрсәуле ЖАУЫНБАЕВА
