Атырау обл, Миялы ауылы, Қ.Сәтбаев көшесі, №17 үй. 8 (712) 3821738 makat70@mail.ru

Жұмадағы жақсылық

Өткен аптаның жұмасы күні Миялы ауылында «Қызылқоға құтты мекенім» қайырымдылық қоры және «Бәйтерек» мешітінің жамағаты «Керуен» сауда орталығында «Қасиетті Жұма» атты қайырымдылық шарасын ұйымдастырды.

Онда ауылдағы барша ардагер, зейнеткерлерге, мүмкіндігі шектеулі жандарға және көп балалы аналарға тегін нан өнімдері таратылды. Шара алдында сөз алған «Бәйтерек» мешітінің бас имамы Мұрат Сұлтанов күндердің сұлтаны саналатын жұма мүмкіндігінше қайырлы істерді де көп жасап, сауап жинайтын күн екендігін айтып, жиналғандарға акция туралы түсінік берді. Бұл шара аптаның әр жұмасында жалғасын табатындығын жеткізіп, ауыл тұрғындары мен жастарды қайырымдылыққа атсалысуға шақырды. Одан әрі жақсылық шарасы «Тегін такси» жобасымен жалғасын тапты. Шағын ғана жақсылықпен ауыл тұрғындарын қуанта білген жамағатқа барша халық ризашылық пен жылы лебіздерін білдірді.

Сондай-ақ, бұл жоба Сағыз ауылдық округінде де ұйымдастырылып, «Сағыз иман жастары» еріктілер тобы ауылдағы аз қамтылған отбасыларға азық-түліктер таратып, ерекше ықыласқа бөленді. Осылайша, жұмада жақсылық жасап жарысқан жамағат ауыл тұрғындарын әр жұма сайын қуантпақ.

Нұрәділ ЕЛАМАН.

ФОТОГАЛЕРЕЯ

Соңғы жаңалықтар

Сайлау

Aqprint

Байланыс номерi :     +7 702 132 03 32      +77122458521

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және  коммуникациялар министрлігінде тіркелгені жөнінде 2018 жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Адрес электронной почты защищен от спам-ботов. Для просмотра адреса в браузере должен быть включен Javascript.

Әлеуметтік желілеріміз