Ақтөбе-Атырау тас жолы бойынан Сағыз ауылдық округіне қарасты  «САРЫАРҚА» көп салалы әлеуметтік нысаны ашылды.

Ашылу салтанатына Қызылқоға ауданы әкімінің орынбасары Әбуов Марат Әлменұлы мен округ әкімі У. Адилов, С.Бәйішов атындағы Ақтөбе университетінің президенті, философия ғылымдарының докторы, Қызылқоға ауданының құрметті азаматы Бекежан Ахан, еңбек ардагері Кәдірғали Хамитұлы және ауыл тұрғындары қатысты.

Жеке кәсіпкер Мұрат Көптілеуов заман талабына сай салған «САРЫАРҚА» әлеуметтік нысанының 30 орындық асханасы мен 9 адамдық демалыс орны бар.

Нысанда жолаушыларға арналған душ ішкі әжетхана да қарастырылған.