Отбасы күні қарсаңында аудан әкімі Қанат Әзмұханов аудандық орталық ауруханаға атбасын бұрып, перзентханадағы аналарды құттықтады.

- Қазақ халқы үшін Отбасы – қасиетті ұғым, қастерлі құндылық. Осынау ұлағатты болып саналған отбасы күні бірнеше жылдан бері айтулы мереке болып тойланып келеді. Бір қолымен бесікті, бір қолымен әлемді тербеткен Ана құдіретіне бас имейтін жан жоқ. Сіздер гүлдей нәзік бола тұра тастай берік төзім иесісіздер.   

     Жүректеріңізден тараған шуаққа отбасы, балалар жылынады. Әлемді мейірім құтқарады десек, Сіздер сол ізгі қасиеттерді ұрпақ бойына сіңіріп келесіздер. Әр үйдің базары – балаларымыздың болашағы жарқын болсын, - деп ізгі тілегін  арнаған аудан басшысы ұлт болашағы саналған сәбилерге бақытты балалық шақ тілеп, естелік сыйлықтар табыс етті.

Өз тілшіміз