«Жасұлан» бөбейжай балабақшасында педагог-психолог Айнұр Нұрғалиеваның ұйымдастыруымен «Мектепке баруға дайынсың ба?» атты тренинг болып өтті.
Ондағы мақсат – балабақша түлектерінің мектепке педагогикалық-психологиялық дайындығын тексеріп, балалардың балабақшадан алған білімін пысықтап, балалардың психикалық процестерінің даму деңгейін саралау.
Одан соң, тренингпен қатар балалардың көңіл-күйлерін көтеру мақсатында «Ағаш жару», «Әріптерді бейнеле», «Дыбысты ажырат», «Қызыл, сары, ақ қолдар», секілді түрлі жаттығулар мен ойындар ойнатылды. Тренингтің соңында балалар бір-біріне жақсы тілектерін, тренингтен алған әсерлерін айтып, балабақшамен қош айтысты.
Бибігүл ТӨЛЕГЕНОВА,
Х.Досмұхамедов атындағы
Атырау университетінің
1 курс студенті
