Қазіргі таңда, аудандағы су тасқынына байланысты алыста жүрсе де туған жеріне жанашырлық танытып, халыққа қолынан келетін көмегін аямай жатқан азаматтар баршылық.
Олар мүмкіндіктеріне орай, әр түрлі бағытта көмек қолдарын созып жатыр. Солардың қатарында, туған жеріне шынайы жанашырлық танытып жүретін жеке кәсіпкер Абдулхасан Ұғыбай да бар. Ол Ойыл өзені бойындағы округтерінің тұрғындарын аудан орталығымен байланыстыруды мақсат етіп, алғаш болып туып-өскен жеріне өз қаражатымен қайық сатып алып беруді қолға алды. Бүгінде, Абдулхасанның қайығы арқылы жүздеген тұрғын аудан орталығымен байланысты нығайтып отыр. Сол үшін оған жерлестерінің айтар алғысы мол.
