Қызылқоға аудандық сотында ӘҚБтК-нің 612-бабының 3-бөлігімен азамат М.Ж.-ға қатысты әкімшілік іс қаралды.
Сотта анықталғандай, азамат М.Ж.көлік құралын басқару құқығынан айырылған болса да,орталық көшеде «Lada Granta» маркалы автокөлігін басқарған. Бұдан бұрын, азамат М.Ж. ӘҚБтК-нің 608-бабының 1-бөлігі бойынша 2019 жылғы 19 желтоқсандағы сот қаулысымен 2022 жылдың 19 желтоқсанына дейін көлік құралын басқару құқығынан айырылған. Сот қаулысы заңды күшінде.
Сотта, М.Ж. кінәсін мойындап, көлік құралын басқару құқығынан айырылса да көлік басқарғанын жоққа шығармайтынын, жалақысы төмен болғандықтан айыппұл төлейтін жағдайының жоқтығын айтады. Сот қаулысымен, азамат М.Ж. ӘҚБтК-нің 612-бабының 3-бөлігімен кінәлі деп танылып, оған 10 тәулікке әкімшілік қамаққа алу жазасы тағайындалды.
Қызылқоға аудандық сотының баспасөз қызметі
