Мұқыр ауылдық округінде ауыл жастарының демеушілігімен «Гүл ек, тал ек - туған жерді түлет!» атты бір күндік тал егу акциясы өтті.
Мақсат ауыл тұрғындарын ауылды таза ұстауға, жастарды еңбекке жұмылдыру арқылы ауылды жасыл желекке айналдыруға шақырып, ауыл тұрғындарын табиғатты аялауға, туған жерді қастерлеуге баулу. Акция барысында округке қарасты мекеме ғимараттары алаңдарына 22 түп жеміс ағаштары, жол жиектеріне 100 түп қара тал отырғызылса, «Аманияз ата» мешіті алаңына 20 түп гүл көшеттері егілді.
