Баталы құл арымас

Жақында Атырау қаласында облыс әкімдігі, облыстық Мәдениет, архивтер және құжаттама басқармасы, «Ардагерлер ұйымы» республикалық қоғамдық бірлестігінің облыстық филиалының ұйымдастыруымен Батыс аймақтық бата беруші ардагерлер арасында «Батаменен ел көгерер» аймақтық ашық байқауы өтті.

Елбасының «Болашаққа бағдар: рухани жаңғыру» бағдарламалық мақаласы аясында және Астана қаласының 20 жылдығына орай өткен шараға Батыс Қазақстан, Ақтөбе, Маңғыстау, Атырау облыстарынан 21 үміткер қатысты. Ұлтымыздың ұлы құндылықтарының бірі – бата беру дәстүрін дәріптеу, жаңғырту, кейінгі ұрпаққа үлгі етуді мақсат еткен байқауда қатысушылар есімдері тарихта қалған тұлғалардың баталарын айтып, ұлттық салт-дәстүрлерге байланысты сауалдарға жауап берді. Соңғы кезеңде берілген тақырыпқа сай қазақи ұлттық мейрам, той-мерекелердің батасын беруден сайысты. Байқау қорытындысымен бас жүлдеге Батыс Қазақстан облысы, Қаратөбе ауданының ардагері Ертай Сердалин ие болса, айтулы шараға қатысқан миялылық ардагер Садақ Досымбаевқа Алғыс хат пен естелік сыйлық табысталды. Сондай-ақ, шара барысында «Батаменен ел көгерер» кітабының тұсауы кесіліп, бұл кітапқа Садақ Досымбаевтың екі батасы енді. Соның бірін назарларыңызға ұсынамыз.

Сәбидің жасқа толуына бата

Күннен-күнге қызығымен мәз болып,

Сәбилікпен жанарында жаз кұліп.

Жанұяның қызығы мен ермегі,

Тәй-тәй басты міне бүгін қаз тұрып.

Келер күндер қуанышпен еселер,

Асып-тасып шұбат толы кеселер.

Бүгін міне жасқа толдың құлыным,

Тілегіміз еш алаңсыз өсе бер.

Аллаһу акбар!

 

 

Бауыржан САҚТАСИНОВ.

COVID 19

covid

Соңғы жаңалықтар

Фотогалерея

Тәуелсіздікке 30 жыл

tuelsizdikke-30-zhyl

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Бұл электронды пошта мекен-жайы спам-боттардан қорғалған. Көру үшін сіздің браузеріңізде JavaScript қосулы тұруы тиіс.


ZERO.kz

 

Яндекс.Метрика