Атырау обл, Миялы ауылы, Қ.Сәтбаев көшесі, №17 үй. 8 (712) 3821738 makat70@mail.ru

Ауыл жастарына тың дүниелер қажет

Өзінің келешегінің кемел болғанын қалайтын кез келген мемлекет ең бірінші жастарға жағдай жасайды.

Соған орай, Елбасы Нұрсұлтан Назарбаев биылғы жылды Жастар жылы деп жариялады. Жай ғана жариялап қойған жоқ, Жастар жылының ашылу салтанатын өткізді. Ол жиынға еліміздегі әр салада жетістікке жетіп, биік белестерден көрініп жүрген жалынды жастар жиналды. Сол жиынды тамашалай отырып өз замандастарымның жетістігіне сүйсіндім, Елбасының аталы сөздерін тұшына тыңдадым. Кез келген кедергіні басып өтіп, даму мен өркендеуге ұмтылып тұрған жастарды көргенде ел болашағының жарқын боларына кәміл сендім. Жиын соңында Президент жастарды ұлтжанды болуға шақыра отырып, өзіндік пікірі, тың идеясы бар кез келген жасты қолдауға дайын екенін атап өтті.

Елбасының өзі бастап жастарды қолдап тұрғанда осы мүмкіндікті пайдаланып, өз ойымыздағы жоспарларды жүзеге асыруымыз керек. Осы орайда, ауылда ата кәсіпті дамытып, төрт түлікті түлетіп отырған еңбекқор жастар да жетерлік. Сондай жастардың басын қосып, айтар ойы мен мәселесін тыңдайтын форумдармен жиындар жиі өткізілсе деген ұсыныс бар. Талапты да, талантты жастар ауылдық жерлерде де жетерлік. Мысалы, мен туып өскен Қарабау ауылы қаншама жастың қанатын қатайтып, қияға ұшырды. Биылғы жастар жылында осындай ауыл жастары қалмаса екен деген тілегім бар. Соның ішінде ұлттық өнер айтысты дамытса нұр үстіне нұр болар еді. Өйткені, шығармашылықпен айналысатын жастардың көбі ауылдан шығады. Тек тұлпарды тай кезінен танып, додаға қоса білу керек. Ол үшін ауылдардан айтыс сыныбын ашып, жастарды шығармашылық ортаға тартқан дұрыс. Сондай-ақ, ауылдық жерлерге жаңа технологияның жетістіктерін әкелу қажет. Қазір ІТ саласында жетістікке жетіп жүргендердің дені қала жастары. Себебі, қалалық жерлерде жаңа ақпараттық технологиямен айналысуға мүмкіндік зор. Егер ондай мүмкіндіктер ауылдық жерлерде де болса жас ғалымдар ауылдан да шығар еді. Сол себептен Жастар жылында ауыл жастарына флешмобтар мен форумдар емес, техникалық жетістіктерді насихаттайтын тың дүниелер қажет. Сонда ғана ауыл жастары талай биіктерді бағындыратын болады.

Бимырза ӘБІЛҚАЙЫР,

жас ақын.

ФОТОГАЛЕРЕЯ

Соңғы жаңалықтар

Сайлау

Aqprint

Байланыс номерi :     +7 702 132 03 32      +77122458521

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және  коммуникациялар министрлігінде тіркелгені жөнінде 2018 жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Адрес электронной почты защищен от спам-ботов. Для просмотра адреса в браузере должен быть включен Javascript.

Әлеуметтік желілеріміз