Тәуелсіздік күні қарсаңында апатты деп танылған үйлердің иелеріне «Нұрсая» ықшам ауданындағы көпқабатты тұрғын үйден 67 пәтер және «Зарослый» ықшам ауданынан 6 жаңа тұрғын үй пайдалануға берілді, - деп хабарлайды Өңірлік коммуникациялар қызметі.
Салтанатты іс-шарада қала әкімі Шәкір Кейкін қала тұрғындарын қоныс тоймен құттықтап, баспана кілтін табыс етті. Бүгін қоныс тойын тойлаған тұрғындар арасында Қайыршақты ауылдық округіне қарасты Аспа ауылының тұрғындары бар.
- Тәуелсіздік күні қарсаңында облыс және қала әкімдігінің қолдауымен жаңа баспаналы болып жатырмыз. Бұл біздің көптен күткен қуанышымыз. Осындай көңіл-күй сыйлаған қала әкіміне алғыс білдіреміз. Үйіміз құт-берекеге толы болсын. Барша тұрғын үй кезегінде тұрған азаматқа қуаныш бұйырсын деп тілеймін, - деді Аспа ауылының тұрғыны Дармия Шыңғалиева.
Анықтама үшін: Атырау қаласында жыл басынан бері апатты үй иелеріне және осал топтағы азаматтарға кезекке сәйкес 350 ден астам үй берілді.
