Дүйсенбі күні аудан әкімдігінің кіші мәжіліс залында республикаға белгілі ақын, әнші-сазгер Қалидолла Ізекенұлын мерейлі 70 жасқа толуына орай құрмет көрсетілді. Алты жыр жинағының, екі үн таспаның авторы, Қазақстан Жазушылар және Журналистер одағының мүшесі Қалидолла Ізекенұлының өлең-жырлары жүректі тебірентеді.
Алғаш сөз алған аудан әкімі Нұрсұлтан Бисембиев ақжарма тілегін жолдап, ақынның иығына шапан жауып, естелік сыйлық табыс етті. Одан соң аудандық ардагерлер кеңесінің төрағасы Мақсот Карин Қалидолла ақынның аудан үшін сіңірген үлесіне ерекше тоқталып, Халық қаһарманы, офицер-ұшқыш Хиуаз Доспанова атындағы медалмен марапаттаса, қырық жылға жуық уақыт мәдениет саласында еңбек етіп келе жатқан әріптесі Жәния Ізбасқан жүрекжарды тілегін білдірді.
Нұрсәуле ЖАУЫНБАЕВА
