Таеквондодан Қазақстан командасының өкілі Жансель Дениз Түркияда өткен халықаралық турнирде жеңіске жетіп, алтын медаль иеленді, деп хабарлайды Olympic.kz.

Ыстамбұлда таеквондодан «WT President' s Cup Europe» халықаралық рейтингтік турнир өтті.

Жарыс қорытындысы бойынша Қазақстан командасы екі медальға ие болды. Әйелдер арасындағы жарыста 73 келіге дейінгі салмақ дәрежесінде Жансель Дениз турнирдің алтын медалін жеңіп алса, ерлер арасында Самирхан Әубәкіров 54 келі салмақ дәрежесінде қола медальға ие болды.