Егер қызметкер жұмыс уақытынан кейін өз еркімен қалып жұмысты жалғастырса, үстеме жұмысқа ақы төлене ме? Бұл сұрақ Еңбек министрлігінің электронды үкімет сайтында қойылды.

ҚР Еңбек және халықты әлеуметтік қорғау министрлігінің жауабында көрсетілгендей, Қазақстан Республикасының Еңбек кодексіне сәйкес үстеме жұмыс деп, жұмыс берушінің бастамасы бойынша қызметкердің белгіленген жұмыс уақытынан тыс (қалыпты нормадан артық) орындайтын жұмысын айтамыз.

Тиісінше, жұмыскердің жұмыс күнінің соңында өз бастамасы бойынша, жұмыс берушіні ескертпестен орындаған жұмысы үстеме жұмыс уақытына жатпайды. Ал мұның бірнеше себептері бар.

 Осылайша, Еңбек кодексінде қарастырлғандай, жұмыс берушінің жұмыс уақытының (соның ішінде үстеме жұмыс уақытының) есебін жүргізу, еңбек қауіпсіздігі мен еңбекті қорғауды қамтамасыз етуге жауапты болу, жұмыс берушінің жұмыс уақытынан тыс жұмысқа тарту туралы актісін (өндірістік қажеттілікке байланысты) беру және т.б. міндеттер жұмыс берушіге жүктелген.

Zakon.kz