20 қаңтар күні сағат 18:00 шамасында Миялы-Индер тасжолының маңында Қызылқоға ауданы полиция бөлімінің жергілікті полиция қызметінің учаскелік полиция инспекторлары Nissan Patrol автокөлігін тоқтатып, тексеру барысында 1 дана киіктің бас-сирақтары мен бұтарланған еттері және 2 дана қоян еті табылған.
Сонымен қатар, аталған көліктен 2 дана тегіс ұңғылы аңшы қаруы мен жарық беру шамы табылды. Автокөлік ішінде болған Қызылқоға және Жылыой ауданының тұрғындары 1993, 1999, 1999, 2004 жылы туылған төрт күдіктіге қатысты ҚР Қылмыстық кодексінің 339-бабының 2 бөлігі 2 тармағы бойынша тергеу амалдары жүргізілуде.
фото ғаламтордан алынды
