Атырау облысының прокуроры мен облыс әкімінің бірлескен өкіміне сәйкес барлық аудандарда «Заң керуені» акциясы өткізіліп жатқаны белгілі.
Халыққа жедел құқықтық көмек көрсетіп, құқықтық мәдениет деңгейін арттыру, заңдарды түсіндіріп, заңды құқықтарын іске асыру, мүмкіндігі жоқ әлеуметтік топтарды анықтап, қоғамдық қауіпсіздік пен құқықтық тәртіпті нығайту мақсатында «Арман» мәдениет үйінің фоесінде «Заң керуен» акциясы өткізілді.
Акцияға прокуратура, полиция, экономикалық тергеу, сыбайлас жемқорлыққа қарсы іс-қимыл, экология, мемлекеттік кірістер департаменті, еңбек инспекциясы, білім беру, денсаулық сақтау, ауыл шаруашылығы, тұрғын үй-коммуналдық шаруашылық, жұмыспен қамту және әлеуметтік бағдарламалар басқармаларынан арнайы мамандар келіп, тұрғындармен кездесті. Бұл ретте, әр сала бойынша 35 тұрғын маман кеңесіне жүгініп, көкейінде мазалап жүрген сұрақтарына жауап алды.
Кәмшат ӘБІШ
