Атырау көлік прокуратурасы шетелдік тұлғалармен жеке пайдалануға арналған көлік құралдарын Еуразиялық экономикалық одақтың кедендік аумағына уақытша әкелуде заңдылықтың сақталуына талдау жүргізді.
Талдау барысында кедендік төлемдерді жүргізбей Грузиядан әкелінген «Toyota land cruiser» маркалы автокөлік құралын заңсыз мемлекеттік тіркеу фактісі анықталды.
Көлік прокуратурасының актісі негізінде облыстық полиция департаментімен қалалық сотқа талап арыз беріліп, оны қарау нәтижесі бойынша автокөлік иесі мемлекет пайдасына 8 млн теңге көлемінде кедендік баж бен өсімпұл төледі.
Атырау көлік прокуратурасы
