Жергілікті уақыт бойынша таңғы сағат жетіде басталған Қызылқоға ауылдық округі әкімінің сайлауы кешкі сағат сегізде аяқталды.
Қарабау орта мектебінде орналасқан №153 учаскелік сайлау комиссиясының алдын ала мәліметі бойынша сайлаушы болып тіркелген 853 тұрғынның 732-і қатысқан. Бұл жалпы сайлаушылардың 85,8 пайызын құрайды.
Ал, тәуелсіз бақылаушылар болса сайлаудың заң талабына сай, әділ өткендігін айтуда. Қазіргі таңда кандидаттардың дауысын санау жүріп жатыр.
Айта кетейік, Қызылқоға ауылдық округі әкіміне үміткер болып үш кандидат тіркелді. Олардың біреуі «Ауыл» партиясынан, біреуі «Nur Otan» партиясынан түссе, енді біреуі өзін-өзі ұсынушы.
