Мамыр айында «Бақытты отбасы» бағдарламасы бойынша өтінімдер қабылдау басталады.
Аталған бағдарлама осымен 4-ші жыл жүзеге асырылуда. Қазіргі кезде бюджетте 51 млрд теңге қарастырылды. Бұл туралы Орталық коммуникациялар қызметінде өткен брифингте «Отбасы банк» АҚ басқарма төрайымы Ләззат Ибрагимова мәлімдеді.
«Бақытты отбасы» бағдарламасы бойынша 5 мың отбасыға 2% несие беру жоспарланған. Келесі айда «Әскери баспана» бағдарламасы іске қосылады. Жалпы, нарықтағы бағдарламалар бойынша қаңтар айынан бастап 22 мың несие берілді, халық 240 мың депозит ашты. 4 айдың ішінде 511 млрд теңге қосымша салық төленді», - деді спикер.
