ОЙЫҢМЕН БӨЛІС, ОҚЫРМАН!

 Халықтың көзі, құлағы һәм тілі болып келе жатқан газеттің негізгі тірегі оқырман екендігі белгілі. Себебі, заман қанша дамып, көпшілік интернет пен әлеуметтік желіге көшкенде, төл газетінен қол үзбей, үнемі жазылып оқитын оқырмандар қандай құрметке болсын лайық. Тек газетті оқып қана қоймай өзінің ой-пікірін жазып, ауылындағы өзекті мәселелерді де газет бетінде көтеріп жүрген оқырмандар жетерлік. Осы орайда, біз осындай ойлы оқырмандардың пікірін топтастырып беру мақсатында «Оқырманмен ойласу» айдарын ашып отырмыз. Ендеше, ойлы оқырмандардың ұсыныс- пікірлерін көпшілік назарына ұсына отырып, алдағы уақытта да оқырмандардан хат күтеміз.