Министрлік қантқа қатысты жағдайды реттеу үшін не істеп жатыр

Ауыл шаруашылығы министрлігі еліміздің ішкі нарығын қантпен қамтамасыз ету шараларын түсіндірді.

«Бұл саладағы жағдайды өзгерту үшін тиісті шаралар қабылданып жатыр. Қазақстан Республикасының отандық қант нарығындағы жағдайды тұрақтандыру жөніндегі 2022 – 2026 жылдарға арналған іс-шаралар жоспары әзірленді», - делінген министрліктің ҚазАқпарат агенттігіне берген жауабында.

Сонымен қатар бұл саладағы мәселелерге қатысты фермерлермен және зауыт иелерімен кездесулер өткізіліп, келіссөздер жүргізілді.

«Осы орайда зауыттардың сатып алу бағасын тоннасына 3-5 мың теңгеге ұлғайта отырып, 15 мың теңгеге дейін жеткізу туралы келісімге қол жеткізілді. Бұл ретте облыс әкімдіктері тарапынан субсидиялау нормативі де 15 мың теңгеге дейін ұлғайды. Субсидияларды төлеу өңдеуші кәсіпорынға өңдеуге тапсырылған немесе өзінің өңдеуші құрылымдарына өңдеуге берілген қант қызылшасы өнімінің тоннасы үшін жүзеге асырылады. Бұл шаралар қант қызылшасын өсірудің рентабельдігін сақтауға мүмкіндік береді», - деп аталып өткен ведомство мәліметінде.

Мұнымен қоса, сумен қамтамасыз ету бойынша бағдарламалар қабылданады.

«Су тапшылығы проблемасын шешу бағытында суды үнемдеу технологияларын кеңінен енгізу қарастырылған. Тамшылатып суару және жаңбырлатып суару жүйелерін сатып алуға арналған жеңілдікпен несие беру бағдарламасы енгізіліп жатыр. Бұдан бөлек, жабдықты сатып алуға салынған инвестициялардың 50 пайызын қайтаруды, сондай-ақ барлық қажетті инфрақұрылымды жүргізуді көздейтін субсидиялау бағдарламасы жалғасады», - деп аталып өткен ведомство мәліметінде.

Атап айтқанда, қант қызылшасын өңдеп-өсіруге басқа өңірлерді тарту мәселелері қарастырылып жатыр. Ертіс-Қарағанды каналы аймағында инвестор есебінен жаңа қант зауытын салу сияқты мәселелер қосымша пысықталып отыр.

«Қабылданып жатқан шаралар 2026 жылға қарай қант қызылшасының алқабын 30 мың гектарға жеткізуге мүмкіндік береді», - делінген министрлік ақпаратында.

Бұдан бұрын хабарланғандай, Ауыл шаруашылығы министрлігі қант қызылшасы алқаптарын кеңейтуге не кедергі болып отырғанын түсіндірген еді. Биыл Үкіметтің кеңейтілген отырысында Президент қант өңдеу зауыттарының жұмысы мен қант қызылшасы алқаптарының азайғанын сынға алған еді.

 

Inform.kz

Сурет ашық дереккөзден

ЕЛБАСЫ КІТАПХАНАСЫ

biblioteka-pervogo-prezidenta-kz

Соңғы жаңалықтар

Фотогалерея

Референдум

referendum-banner-1

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Этот адрес электронной почты защищён от спам-ботов. У вас должен быть включен JavaScript для просмотра.


ZERO.kz

 

Яндекс.Метрика