АСТАНА. KAZINFORM – Қорғаныс министрі Руслан Жақсылықов Парламент Палаталарының бірлескен отырысында Қазақстанның тұңғыш дербес бітімгершілік контингентіне неше әскери тартылатынын мәлім етті.
«Конституцияның 53-бабының 5-тармақшасы бойынша, БҰҰ мынадай миссиясына:
Бірінші — Голан биіктігінде бөлінуді бақылау күштеріне;
Екінші — бітімге келу шарттарының орындалуын байқау органына;
Үшінші — Оңтүстік Судан Республикасындағы миссияға;
Төртінші — әуедегі қауіпсіздікті қамтамасыз ету уақытша күштеріне қатысу үшін саны 430 адамнан аспайтын контингентті жіберу туралы ұсыныс енгізіледі», — деді министр. Бұған дейін жазғанымыздай, елордада Парламент палаталарының бірлескен отырысы өтіп жатыр.
