Атырауда ақпан айының соңғы онкүндігінде қар жиі жауып, қала көшелері мен жаяу жүргінші жолдары адам мен көлік қозғалысына кері әсер етуде. Алайда күн райының қолайсыздығына қарамастан жұмысшылар күні-түні қар тазалау жұмыстарын қарқынды жүргізуде.
Бұл жұмысқа күндіз 96 арнайы техника, оның ішінде “СпецАвтоБаза” ЖШС-ң техникасы және жекеменшік техникалар жұмылдырылды. Сондай-ақ күндіз 187 жол жұмысшысы үздіксіз қар тазалауда.
Қаладан шығарылған қар көлемі күніге шамамен 4000 текше метрді құрайды. Қар тазалау жұмыстары күн-райы тұрақталғанша, күшейтілген режимде жалғаса береді.
