Президент Қасым-Жомарт Тоқаев Ұлттық құрылтайда интернет-алаяқтықтың өршуіне алаңдаушылық білдірді. Ол жалған қайырымдылық, қаржы пирамидалары және жалған психологтар мен коучтардың әрекеттері қоғамға зиян тигізетінін атап өтті.
Бүгінде интернет-алаяқтықтың түрі сан алуан: банк карталарынан қаражат шешіп алу, жеке мәліметтерді ұрлау, жалған инвестициялық жобалар ұйымдастыру, қайырымдылық атын жамылған айла-шарғы. Бұл әрекеттер халықтың сеніміне селкеу түсіріп, әлеуметтік тұрақтылыққа қауіп төндіреді. Президент алаяқтықпен күресу үшін құқық қорғау жүйесін күшейту, заңнаманы қатайту, халықтың цифрлық сауаттылығын арттыру керектігін айтты. Мен де осы пікірде екенімді айтқым келеді. Алаяқтардың торына түспеу үшін мынаны ескеру керек: Бейтаныс хабарламалар мен ұсыныстарға сақтықпен қараңыз; Банк деректерін ешкімге бермеңіз; Инвестициялық ұсыныстарды мұқият тексеріңіз; Киберқауіпсіздік шараларын сақтаңыз. Интернет-алаяқтық – заманның өзекті мәселесі. Онымен күресу үшін мемлекет те, қоғам да жұмылуы қажет. Президент Тоқаевтың бұл мәселеге баса назар аударуы – үкіметтің нақты қадамдарға дайын екенін көрсетеді. Әр азамат қырағылық танытып, ақпараттық қауіпсіздікті сақтауы тиіс.
Рысты ҚАЛИЕВА,
заңгер
