Жақында Атырау қаласында «Жасыл ел» жастар еңбек жасағының XV маусымының жабылу кеші өтті.
Салтанатты сәтте маусымның қорытындысымен Қызылқоға аудандық «Жастар ресурстық орталығының» маманы Ержан Әбу «Үздік медиа маман» атағын иеленді. Облыстық «Жастар ресурстық орталығының» ұйымдастыруымен өткен «Жасыл ел» еңбек жасағының биылғы маусымына ауданнан барлығы екі жүз қырық жас қамтылды. Екі жүз жас жаз айларында көгалдандыру, тал егу бағыттары бойынша еңбек етсе, күзгі маусымда қырық жас көшет отырғызу жұмыстарына тартылды.
Бұл ретте аудан жыстарының басын қосып, аталмыш жасақты бір арнаға тоғыстырып жүрген аудандық «Жастар ресурстық орталығы» мамандарының еңбегі зор екенін айта кеткен жөн.
Нұрәділ ЕЛАМАН
