Қазақстанда көпбалалы аналар мен ардагерлерге жеңілдік беріледі

Мәжіліс көлік мәселелері бойынша кейбір нормативтік актілерге өзгерістер мен толықтырулар енгізу туралы заң жобасын бірінші оқылымда мақұлдады. Құжатта көпбалалы аналар мен ардагерлерге бірқатар жеңілдік қарастырылған.

Заң жобасына халықтың әлеуметтік жағынан осал топтарына қоғамдық көлікте жеңілдікпен жүруге мүмкіндік беретін нормалар енгізіліп отыр. Мәселен, олар әлеуметтік маңызы бар, сондай-ақ қалалық (ауылдық) және қала маңына қатынайтын тұрақты автокөлік бағдарларында тегін жүре алады.

Олар:

"Алтын алқа", "Күміс алқамен" наградталған немесе бұрын "Батыр ана" атағын алған, бірінші және екінші дәрежелі "Ана даңқы" ордендерімен наградталған көпбалалы аналар;

I топтағы мүгедектер;

Ал 15 жастан 18 жасқа дейінгі жастар билет бағасының жартысын төлейді.

Депутат Альберт Раудың айтуынша, ардагерлерге де жеңілдік беріледі. Олардың атына тіркелген көліктерге ақылы жолдармен тегін жүруге рұқсат беріледі. Күш құрылымдарының қызметкерлері де ақысыз жүре алады.

"Өкінішке қарай, ардагерлеріміз аз қалды. Біз оларға теңестірілген азаматтарды да қарастырып жатырмыз. Қазіргі кезде есеп-қисап жасау керек. Екінші оқылымға дейін шешім шығарылады", – дейді Рау.

Ресми мәліметке сәйкес, Қазақстанда 65 022 "Алтын алқа", 137 675 "Күміс алқа" иегері тұрады, 15 669 адам "Батыр ана" атанған, І және ІІ екінші дәрежелі "Ана даңқы" ордендерімен наградталғандар – 12 260, І топтағы мүгедектер – 69 444, ал 16 жастан 18 жасқа дейінгі балалардың саны – 724 178. 

 

Дереккөз: stan.kz

 

ЕЛБАСЫ КІТАПХАНАСЫ

biblioteka-pervogo-prezidenta-kz

Соңғы жаңалықтар

Фотогалерея

Референдум

referendum-banner-1

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Этот адрес электронной почты защищён от спам-ботов. У вас должен быть включен JavaScript для просмотра.


ZERO.kz

 

Яндекс.Метрика