Атырау обл, Миялы ауылы, Қ.Сәтбаев көшесі, №17 үй. 8 (712) 3821738 mialy44@mail.ru

Автокөлік туралы заңға толықтырулар енгізілді

Президент Қасым-Жомарт Тоқаев халықаралық автомобиль тасымалдарын қадағалап отыру мәселелері бойынша заңға толықтырулар енгізді, - деп хабарлайды Tengrinews.kz тілшісі Ақорда сайтына сілтеме жасап.

"Мемлекет басшысы "Автомобиль көлігі туралы" Қазақстан Республикасының Заңына халықаралық автомобиль тасымалдарын қадағалап отыру мәселелері бойынша толықтырулар енгізу туралы" Қазақстан Республикасының Заңына қол қойды", - делінген хабарламада.

Бұған дейін заң транзиттік жүктерді навигациялық пломба арқылы қадағалауды көздейтіні хабарланған. "Транзит Қазақстан аумағы арқылы өтеді, бірақ ол транзитпен аяқталмайды, жүк Қазақстан аумағында қалып қояды. Немесе, тауарды импорттау кезінде басқа елді мекен көрсетіледі, бірақ жүк ол жерге жетпейді, басқа аймақта қалады. Соның салдарынан қосылған құн салығы, жанама салықтар төленбейді, көлеңкелі экономика пайда болады", - деп жаңа заңның қажеттігін түсіндірген болатын Мәжіліс депутаты Павел Казанцев.

Автокөлік шекараға келгенде, пломба салынып, іске қосылады. Сөйтіп көлік әрі қарай жолын жалғастырады. Навигациялық пломбадан келетін сигнал мемлекеттік кірістер комитетінің ахуалдық орталығына түседі. Осы сигнал арқылы транзиттік автокөліктердің қозғалысы бақылауда болады.

Дереккөз: azh.kz

Сурет: ашық дереккөзден

ФОТОГАЛЕРЕЯ

Соңғы жаңалықтар

Біріңғай мемлекеттік байланыс

Aqprint

Байланыс номерi :     +7 702 132 03 32      +77122458521