Атырау облысында жыл басынан бері 18 927 жаңа жұмыс орны ашылды

«Nur Otan» партиясының басты мақсаттарының бірі — жұмыссыздық мәселесін жүйелі шешу.

Бұл туралы облыс әкімі "Айқын" газетіне жарияланған мақаласында айтты, деп хабарлайды Атырау облысының өңірлік коммуникациялар қызметі.

"Атырау облысы 9 айдың қорытындысы бо­йынша, жұмыс орындарын ашудан елімізде көш бастады. Мәселен, биыл 18 907 жаңа жұмыс орны ашы­лып, жұмыспен қамту орталығы ар­қылы 20 864 адам жұмысқа орна­лас­тырылды.

«Еңбек» бағдарламасы шең­бе­рінде 29,5 мың адамды қамту жос­пар­ланып, бүгінде 24 348 адам қам­тылды. Оның ішінде 13 733 адам тұ­рақты жұмыс орындарына орна­лас­тырылды. Сонымен қатар қазір жұмыс берушілердің сұранысын ескеріп, жұмыссыздарды еңбек нары­ғында сұранысқа ие кәсіптер бойынша оқытуға көңіл бөліп отырмыз.

«Бастау бизнес» жобасы шеңбе­рінде 5 жыл ішінде 150 мың, оның ішінде биыл мың адамды оқыту жос­парланған. Жыл басынан бері 1102 адам кәсіпкерлік негіздеріне оқыды. Сондай-ақ, жаңа бизнес-идеяларды іске асыру бағытында 266 жас кә­сіпкерге мемлекеттік грант­тарды беру қарастырылды. 2021 жыл­ға 530 адамға қайтарымсыз грант­тар берілді, оның 196-сы жастар.

Партияның «Өзгерістер жолы: әр азаматқа лайықты өмір!» сай­лауалды бағдарламасы жол карта­сының «Ардагерлерді ардақтайық» партиялық жобасы шеңберінде медициналық-әлеуметтік меке­мелерде қарт адамдардың тұру жағ­дайларына мониторинг жүргізіледі. Облыс бойынша 3 243 қарт пен ең­бекке жарамсыз адамға арнаулы әлеуметтік көмек көрсетілді.

Мүгедектігі бар адамдардың өмір сүру сапасын жақсартуға ба­ғытталған «Nur Otan» партиясының «Кедергісіз келешек» жобасы іске асырылып жатыр. Атап айтсам, 2021 жылы 258 әлеуметтік және көлік инфрақұрылымы объектілерін пас­порттау және бейімдеу жоспар­ла­нып, 9 айда 233 нысан немесе 90,3% бейімделді.

Мүгедектігі бар адамдарды жұ­мысқа орналастыру, психо­логия­лық және құқықтық көмек көрсету мақ­сатында жуырда Атырау қала­сын­да «Отбасын қолдау бөлімшесі» ашылды" деді облыс әкімі Махамбет Досмұхамбетов.

ЕЛБАСЫ КІТАПХАНАСЫ

biblioteka-pervogo-prezidenta-kz

Соңғы жаңалықтар

Фотогалерея

Референдум

referendum-banner-1

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Этот адрес электронной почты защищён от спам-ботов. У вас должен быть включен JavaScript для просмотра.


ZERO.kz

 

Яндекс.Метрика