«Таза Қазақстан» республикалық экологиялық бағдарламасы аясында Аққыстау ауылында мекемелер арасында жаппай сенбілік өтті. Іс-шараны ұйымдастырудағы басты мақсат — ауылдың санитарлық жағдайын жақсартып, тұрғындар арасында экологиялық мәдениетті қалыптастыру.
Сенбілікке ауылдағы мемлекеттік мекемелер мен кәсіпорын қызметкерлері белсене қатысып, көшелерді, қоғамдық аумақтарды және мекеме маңайын тазалау жұмыстарына атсалысты. Жалпы, 15-тен астам мекеме және жүзден аса қызметкер тазалық жұмыстарына шықты.
Ұйымдастырушылардың айтуынша, мұндай сенбіліктер жүйелі түрде жалғаса береді.
— Бәріміз бірге туған ауылымызды көркейту жолында жұмыла әрекет етсек, таза әрі жайлы орта қалыптастыра аламыз,-дейді шараны ұйымдастырушылар.
Ауыл тұрғындары да алдағы уақытта өтетін сенбіліктерге белсене қатысып, ортақ іске үлес қосуға шақырылады.
