Медицина қызметкерлерінің өңір кәсіпорындары ұжымдарымен, сондай-ақ халықпен кездесулері жалғасуда, деп хабарлайды Атырау облысы Денсаулық сақтау басқармасының баспасөз қызметі.

Атырау облысының әкімі Махамбет Досмұхамбетовтың тапсырмасы бойынша өңірде вакциналау бойынша ақпараттық-түсіндіру жұмыстары күшейтілді. Бүгін, 17 тамызда "Атыраунефтемаш"зауытының ұжымымен кездесу өтті. Әңгімелесу барысында Еркінқала отбасылық-дәрігерлік амбулаториясының директоры Еркін Сабиров кәсіпорын қызметкерлеріне ұжымдық иммунитетті қалыптастыру үшін вакцинациялаудың маңыздылығы, сондай-ақ қызметкерлердің жеке қауіпсіздігі туралы айтып берді.

- Кәсіпорын ұжымдарымен осындай кездесулер өте маңызды, өйткені қызметкерлер вакцинация туралы қажетті және сенімді ақпаратты тікелей медицина мамандарынан алады. Сондай-ақ, олар өздерін қызықтырған барлық сұрақтарды қойып, кеңес ала алады. Кейін, қызметкерлер вакцина алуға жазыла алады. Коронавирустық инфекцияға қарсы екпе алғысы келетіндерге жылжымалы пункттің кәсіпорынға баруы ұйымдастырылады, - деді Еркін Сабыров.

Айта кетейік, бүгінде "Атыраунефтемаш" машина жасау зауытында 230-дан астам қызметкер жұмыс істейді, олардың 114-і Covid-19 қарсы вакцина алды, 17-де вакцина алуға қарсы медициналық көрсетілім бар.