16 желтоқсан – Тәуелсіздік күніне орай жастар ресурстық орталығында жастар арасында «Тәуелсіз елім – тірегім, самғауыңды тіледім!» атты дебат сайысы өтті. Сайыстың мақсаты – жастардың сөйлеу мәнерін қалыптастыру, өз ойын дұрыс жеткізуге тәрбиелеу. Оған аудан орталығындағы үш мектептен барлығы 12 пікірсайысшы қатысты.
Дебат барысында жастар ақтаушы және даттаушы жақ болып бөлініп, білім, жастар тәрбиесі, мамандық таңдау сынды тақырыптарды талқылап, өзекті мәселелерді тілге тиек етті.
Тартысты өткен сайыс нәтижесінде «Жеті жарғы» фракциясы бірінші орынды жеңіп алса, «Дарын» фракциясы екінші орынға, «Болашақ» фракциясы үшінші орынға ие болды. Ал, «Үздік спикер» болып Айнамгөз Санатқызы лайық деп танылды. Жеңімпаз бен жүлдегерлерді аудандық ішкі саясат бөлімінің басшысы Асқар Ақтаев марапаттап, диплом мен естелік сыйлықтар марапаттады.
Дулат БЕРІК
