Жақында мектепке дейінгі жастағы балалар арасында облыстық Білім беру басқармасы Әдістемелік орталығының ұйымдастыруымен «Тіл – ұлт қазынасы» атты байқау болып өтті.
Ондағы мақсат – балабақша тәрбиеленушілерінің арасында мемлекеттік тіл туралы ұғым қалыптастырып, тілді құрметтеуге тәрбиелеу. Ең алдымен ауданда өткізілген байқаудан «Жасұлан» және «Нұр-Шуақ» бөбекжай балалар бақшасы жеңімпаз атанып, облыстық байқауға жолдама алды. Нәтижесінде, облыстық байқаудан «Нұр-Шуақ» бөбекжай балалар бақшасының тәрбиеленушісі Айым Сембай ІІІ орынды (жетекшісі Э.Жақсиева) иеленсе, «Жасұлан» бөбекжай балалар бақшасының тәрбиеленушісі Айбарша Ерлан Алғыс хатпен марапатталды.
Өз тілшіміз.
