banner_damu

Тұңғыш рет Қазақстанда: Атырауда Зияткер мектебі ашылды

"Бүгін Атырауда жаратылыстану бағытында жаңаша форматта білім беретін Зияткер мамандандырылған мектеп лицей-интернаты ашылды" деп хабарлайды Атырау облысы өңірлік коммуникациялар қызметі.

Еліміз бойынша тұңғыш Атырауда бой көтерген мектептің ашылу рәсіміне облыс әкімі Махамбет Досмұхамбетов арнайы қатысты.

-Атырау облысында білім беруді дамытудың 2021-2022 жылдарға арналған жол картасы қабылданды. Карта аясында Зияткер мектебінің тұсауы кесілуде. Бой көтерген білім шаңырағы Тәуелсіз еліміздің зиялы жастарының алтын бесігі болады деп сенеміз – деді, облыс әкімі Махамбет Досмұхамбетов.

Тәуелсіздігіміздің 30 жылдығына орай, ашылып жатқан мектептің келешегі зор.

"Мектепке арналған оқу-бағдарламаларын, мектептен тыс жұмыс істейтін үйірмелердің барлық бағдарламаларын табыс ететін боламыз. Бұл балалардың алған білімдерін практикада пайдаланып жан-жақты дамуларына ықпалы мол болмақ, - деді «Назарбаев зияткерлік мектебі» дербес білім беру ұйымдарының басқарма төрайымы Күләш Шамшидинова.

76f90d6f-0f46-45d4-8f14-47fc64246fa2

500 орындықты қамтамасыз ететін мектеп – лицейіне, биылғы оқу жылында 9 - 10 – 11 сыныпқа 150 оқушы қабылданды. Болашақта мектеп базасынан жатақхана салу жоспарда бар.

"Облыс, аудандардан дарынды оқушыларды қабылдап білімдерін арттыру басты мақсатымыз.Мектебіміз қазақ тілінде сабақтар өткізеді. Келер жылы үш тілді қамту жоспарда бар. Қазіргі таңда арнайы тестілеуден өткен 15 мұғалім білім ордасына қызмет етеді. Жалпы мектеп биылғы жылы 9 сынып оқушыларын да қабылдады. Келешекте мектеп 10-11 сыныппен жұмыс жасайды деп атап өтті" зияткер мектеп лицейінің директоры Нұржан Қаратаев.

30931c8c-2ba0-42e1-83ad-dc927005a7e7

Зияткер мектеп лицейі облысымыздың жоғары оқу орындары мен Назарбаев зияткерлік мектептерімен ынтымақтастық туралы мемарандумға қол қойды.

Ж. Досмұхамедов атындағы дарынды балаларға арналған облыстық интернатта үздік оқушы атанып, емтиханнан жоғары балл жинап Зияткер мектеп лицейіне оқуға түскен Аида Максимовнада өз қуанышымен бөлісті.

-Алғаш оқуға түскенімді әкем телефон соғып хабарлады. Қуанышымда шек болмады. Себебі мен қалаған пәндер осында тереңдетіліп оқытылады, деді ол.

Осылайша, Зияткер мектебі балалардың жастайынан ғылыммен айналысып, өз жобаларын қорғауына мүмкіндік береді.

ЕЛБАСЫ КІТАПХАНАСЫ

biblioteka-pervogo-prezidenta-kz

Соңғы жаңалықтар

Фотогалерея

Сұрақ Жауап

Вакцинаға көзқарасыңыз қалай?

COVID-19 инфекциясы

Aqprint

Байланыс номерi :     +7 775 798 46 24     +7(7122) 45-85-21

logo

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Этот адрес электронной почты защищён от спам-ботов. У вас должен быть включен JavaScript для просмотра.


ZERO.kz

 

Яндекс.Метрика