Миялы балалар өнер мектебінің оқушылары «Құтты мекен таланттары» атты республикалық балалар мен жасөспірімдер шығармашылық байқауынан жүлделі орындарды қанжығалап қайтты.
Байқау Ақтөбе қаласында «ALI PRODUCTION» шығармашылық продюсерлік орталығының ұйымдастыруымен Ақтөбе қаласының 150 жылдығына арналған болатын. Ауданымыздың намысын қорғаған жас қылқалам шеберлері бейнелеу өнері номинациясы бойынша Мансұр Мағжанұлы мен Диас Аманжол бірінші орынды жеңіп алса, Нұрмұхаммед Бекболатұлы екінші орынға ие болды. Аталмыш байқауға жас өнерпаздарды дайындағаны үшін Миялы балалар өнер мектебінің мұғалімі Елшат Қазиеваға алғыс хат берілді.
Нұрәділ ТЕМІРБЕК
