Атырау обл, Миялы ауылы, Қ.Сәтбаев көшесі, №17 үй. 8 (712) 3821738 makat70@mail.ru

Атырауда тегін білім гранты иелерінің есімдері белгілі болды

«Жаңа оқу жылында атыраулық 150 түлек облыс әкімінің гранты бойынша тегін білім алады» деп хабарлайды Атырау облыстық білім беру басқармасының баспасөз қызметі.

Бұл туралы Атырау облысы әкімінің орынбасары Бақытгүл Хаменованың төрағалығымен өткен Білім беру грантын беру жөнінде конкурстық комиссияның отырысында белгілі болды. Жиын барысында облыс әкімі грантына өтініш берген үміткерлер тізімі қаралды.

Атырау облыстық Білім беру басқармасының басшысы Сатқан Есенғалиевтың айтуынша, өңірдегі кадр тапшылығын шешу мақсатында облыстық бюджет есебінен денсаулық, білім, ауыл шаруашылығы және басқа да маңызды салалар бойынша білім беру гранттары бөлініп отыр.

Биыл конкурсқа қатысуға 186 талапкер өтініш берген. Әкім грантын иеленген түлектердің дені – болашақ мұғалімдер мен дәрігерлер. Атап айтқанда, облыс әкімінің грантын жеңіп алған 150 түлектің 52 -сі «М.Оспанов атындағы Батыс Қазақстан мемлекеттік медициналық университетіне» түссе, «Л.Н.Гумилев атындағы Еуразия ұлттық университетінде» білім алуға 2 жас грант ұтып алды. 8 түлек «Нұр-Мүбарак» Египет ислам мәдениеті университетіне, ал, 86 жас Атырау мемлекеттік университетіне, 2 жас Махамбет Өтемісов атындағы Батыс Қазақстан мемлекеттік университетіне оқуға түсті. Айта кетейік, биыл облыс әкімінің білім беру грантының алғашқы иегерлері оқуларын бітіріп, жергілікті жұрт игілігі үшін жұмыс істеуге дайын.

Сондай-ақ, грант иегерлерінің тізімін төмендегі сілтеме бойынша өтіп көруге болады: https://asu.edu.kz/media/news/11513/

ФОТОГАЛЕРЕЯ

Соңғы жаңалықтар

Сайлау

Aqprint

Байланыс номерi :     +7 702 132 03 32      +77122458521

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және  коммуникациялар министрлігінде тіркелгені жөнінде 2018 жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: Адрес электронной почты защищен от спам-ботов. Для просмотра адреса в браузере должен быть включен Javascript.

Әлеуметтік желілеріміз