Бүгінде елімізде саяси жаңғыру процесі жүйелі түрде жүруде. Оған Президент Қ. Тоқаевтың өткен жылғы Жолдауында  айқындалған бағыт-бағдары дәлел. Жаңа реформа арқылы еліміз дамудың жаңа кезеңіне қадам басты.

Саяси реформаларға байланысты 19 наурызда ҚР Парламенті Мәжіліс  және мәслихат депутаттарының сайлауы өтті. Осы сайлауда бағымды сынап, кандидат болып тіркелдім. Егер халқым қолдап жатырса әрине,  бірлесе жұмыс жасап, бар күш-жігерімді жұмсайтын боламын. Басты міндетім - ел сенімінен шығып, үмітін ақтау. Бар мүмкіндігімше елге қызмет ету. Алдағы уақытта елмен қоян-қолтық араласып, алдымызға қойған межелерге бірге жетіп, сайлауалды бағдарламамды жүзеге асыруға жұмыстанамын. Биылғы өткен сайлау заңдылыққа сай өтті деп есептеймін. Бұл жаңа бағыттан елдің  жарқын болашағын көремін.

Айбар Алтыбаев, аудандық мәслихат депутаттығына үміткер