Ауданға қарасты бірнеше елді мекен арқылы өтетін Ойыл өзенінің су мөлшері артуда.
Осыған орай төтенше жағдайлардың алды алу мақсатында тиісті сақтық шаралары жүйелі түрде ұйымдастырылып келеді. Айталық, бүгін Миялы ауылының іргесіндегі барлық қоршалған бөгеттерді көтеріп, түбін бекіту жұмыстары жүргізілуде. Оған 1 погрузчик, 1 трактор, 3 камаз техникалары жұмылдырылып, ауыл тұрғындары, еріктілер, жастар бірлескен түрде бөгет жасау үшін 500-ден астам қапшық құм толтырылды. Су тасқынының жағдайы тәулік бойы бақылауда. Айта қаларлықтай қауіп жоқ.
