«AMANAT» партиясының «Ардагерлерді ардақтайық» жобасы аясында Қызылқоға аудандық партия филиалы және «Жастар Рухы» жастар қанатының ұйымдастыруымен аудандағы жалғызілікті қарттарға көмектесу дәстүрі жыл сайын жалғасын тауып келеді.
Бұған дейін аудан жастары өз округіндегі қарттардың үй-жайы маңындағы қарын аршып, қора-қопсы қызметтеріне қолғабыс жасаса, бұл жолы сағыздық еріктілер жалғызбасты ананың үй шаруасына көмектесіп, жеңіл жөндеу жұмыстарын жасап берді.
«Күнделікті тіршілік қамын қылсақ та, кейде ер адамның қолын қажет ететін жұмыстар болады. Үнемі ақысын төлеп ұста шақыруға жағдайымыз келмейді. Партияның қарттарға қамқорлық көрсету мақсатында жасалған жобасы себеп болып, бүгін ауылдың іске икемді жастары келіп, көптен көңілімде жүрсе де, күшім жетпей жүрген жұмыстарды жасап берді» деп ризашылығын білдірді кейуана.
Салтанат Сансызбай
