Атырау обл, Миялы ауылы, Қ.Сәтбаев көшесі, №17 үй. 8 (712) 3821738 makat70@mail.ru

Атырауда 2000-нан астам адамға ақшалай сертификаттар және азық-түлік табысталды

Қазақстан халқының бірлігі күні қарсаңында Атырауда «Абай орталығында» қайырымдылық марафоны өтті.

«30 игі іс» акциясы аясындағы шараны облыс әкімінің орынбасары Бақытгүл Хаменова ашып, марафонның өңір басшысының бастамасымен және демеушілердің қолдауымен өтіп отырғанын айтты.

-Тәуелсіздіктің 30 жылдығына орай, елімізде «30 игі іс» қайырымдылық марафоны өтуде. Атырау облысында да акция аясында көп балалы отбасыларға, ерекше қажеттіліктері бар балалардың аналарына, жалғыз басты аналарға көмек көрсетілуде. Мейірімділік пен қайырымдылық акциялары жыл соңына дейін жалғасады,- деді Бақытгүл Хаменова.

9ed5cd33-32e5-4456-bc01-f4ff674a27a6

Марафон барысында ерекше балалары бар аналарға және көп балалы отбасыларға 15 мың теңге көлемінде қаржылай сертификаттар, азық-түліктер пакеті және гүлдер табысталды. Осындай сыйлықтарға облыс бойынша 2000-нан аса атыраулық ие болды. Сертификат алғандардың бірі Мнупар Жамбылова. Ол сал ауруына шалдыққан немересін тәрбиелеп отыр.

– Қызымның бес баласы бар. Олардың бірі сәби күнінен сал ауруына шалдыққан. Бес баланы бағып-қағудың өзі оңай емес. Оның үстіне ерекше қамқорлықты қажет ететін сәбидің күтімі мүлдем қиын. Сондықтан, ерекше қамқорлықты қажет ететін Саида житенімді өз жауапкершілігіме алдым. Әркез еміне алып барамын. Жиенімізді емдету мақсатымен Қазақстанның барлық үздік клиникаларында болдық. Оның емі үшін үнемі көмек көрсетіп келе жатқан әкімдік өкілдері мен қала тұрғындарына алғыс айтамын. Мереке алдында ерекше балаларға тағы да қамқорлық жасалуда. Ризашылығымыз шексіз, – дейді Мнупар Жамбылова.

ФОТОГАЛЕРЕЯ

Соңғы жаңалықтар

Сайлау

Aqprint

Байланыс номерi :     +7 702 132 03 32      +77122458521

Меншік иесі: «Атырау-Ақпарат» ЖШС

Газетке Қазақстан Республикасы Ақпарат және 
коммуникациялар министрлігінде тіркелгені жөнінде 2018
жылдың 16 мамырында №17104-Г куәлігі берілген.
Редакцияның мекен-жайы: Миялы ауылы,
Қ.Сәтбаев көшесі, №17 үй.
Байланыс телефоны: 2-17-38, 2-17-64
Электрондық пошта: mialy44@mail.ru

Әлеуметтік желілеріміз