Миялы ауылындағы «Арман» мәдениет үйінде орналасқан №143 референдум учаскелік сайлау комиссиясы таңғы сағат 7.00-де өз жұмысын бастады.
Еліміздің Әнұраны орындалған соң учаскелік сайлау комиссиясының төрайымы Ғайни Аққалиқызы референдумға дауыс берудің басталғанын хабарлады. Алғаш болып дауыс берген 5 адамның ішінде 83 жастағы Ұмсынай Жолдасбаева да бар. 
Бұған дейін өткен сайлаулар мен референдумдардан қалмай дауыс беріп келе жатқандығын тілге тиек еткен қарт әже бұл жолы да ел болашағы үшін дауыс бергендігін атап өтті.
