Аудан әкімдігінің кіші мәжіліс залында VI сайланған аудандық мәслихаттың ХХХІІІ сессия болып өтті.
Оған аудан әкімі Арман Баженов, мәслихат хатшысы Толқын Бейсқали, аудан әкімінің орынбасарлары, мәслихат депутаттары мен бөлім, мекеме басшылары қатысты. Жиынға төрағалық еткен мәслихат депутаты Алтынзер Баймұратова күн тәртібімен таныстырды. Сессияда «2019-2021 жылға арналған аудандық бюджет туралы» шешіміне өзгерістер мен толықтырулар енгізу, Тайсойған және Мұқыр ауылдық округтерінің шекарасын бекіту және басқа да бірқатар мәселелер қаралса, аудандық мәслихат хатшысы Толқын Бейсқали аудандық қоғамдық кеңестің жаңадан сайланған мүшелері мен ережесін бекіту туралы хабарлама жасады. Сессияда айтылған ұсыныстар мен шешімдер депутаттар тарапынан қолдау тауып, бекітілді.
Жиын соңында келесі өтетін ХХХІІІІ сессияның төрағасы болып аудандық мәслихат депутаты Өтепберген Әділов сайланды.
Дулат БЕРІКҰЛЫ
