Қазіргі қоғамда сұранысқа ие жұмысшы мамандықтардың бірі – электрик мамандығы. Электр энергиясынсыз бірде-бір өндіріс, мекеме немесе тұрғын үй жұмыс істей алмайды. Сондықтан электриктің еңбегі күнделікті өмірде де, ел экономикасында да аса маңызды.
Президент Жолдауында техникалық мамандарды даярлау, жұмысшы кәсіптердің беделін арттыру қажеттігі ерекше атап өтілді. Электрик мамандығы – жауапкершілікті, дәлдікті талап ететін кәсіп. Бұл салада білімді, тәжірибелі мамандар әрдайым жоғары бағаланады және тұрақты жұмыспен қамтамасыз етіледі. Бүгінгі таңда электрик болу – болашаққа сенімді қадам. Бұл мамандық иелері елдің қауіпсіздігі мен дамуына өз үлесін қосып, адал еңбегімен құрметке ие болады.
